درس يسأل الطلاب:حيوان بيزحف ببطء شديد!أجاب محمد وقال:السلحفاة
قال
المدرس: أحسنت يامحمد أبوك فين بيشتغل؟قال محمد:بابا دكتور
قال
المدرس:شفتوا أولاد الدكاترة أذكياء ازاي
......سأل المدرس سؤال ثاني: ماهو الطائر الذي يتكلم؟
فأجاب عبدالله: الببغاء فقال المدرس: أحسنت يا عبدالله
أبوك فين بيشتغل:
قال عبدالله: بابا مهندس
قال المدرس:شفتوا أولاد المهندسين أذكياء ازاي
وبعدين سأل المدرس : ماهو الطائر الذي يبدأ بحرف
الــ تاء ؟؟
فأجاب أحد الطلاب : تمســـاح قال له المدرس: قف قف ياغبي
أبوك فين بيشتغل ؟؟ قال الطالب :بابا بيشتغل بأمن الدوله !!
قال المدرس:
أحسنت!!!..التمساح اذا شد حيله ممكن يطير...بارك الله فيك ياولدي
احمد عز قدم شكوى ضد مأمور سجن طرة علشان الحديد اللى فى إيديه مش
"حديد عز"
"حديد عز"
سمعت ان العلماء اكتشفوا 3 مصريين عايشين في كهف في الصحرا الغربية اسمهم مش موجود في ملفات أمن الدولة.
بيع بلمزاد العلني
يعلن حزب علي بابا و الاربعين حرامي ) الوطني سابقا (غن توافر عدد كبير جدا من البلطجيه و المسجلين خطر فئه الف و عدد اكبر من المنحرفين و كدلك عدد اكبر من الشراشيح و الدلالات المسجلات ياسعار رمزيه بمناسبه الانتخابات و الدف...ع بعد المعاينه
بلديتنا عرف انو جاره هو وزير الداخليه فعزل بسرعه قالولو ليه عزلت قللهم ياعم بكره تقوم ثوره عليه ويحاكموني معاه . قالولو وانته مالك. قلهم
.
.
.
.
.......
.
.انتو مشفتوش العادلي لما حاكموه كتبو في الجرايد القضاء يحاكم العادلي وجرانه
.
.
.
.......
..وكعبوا كعبواا ...وزيري وانا الاعبووة
****************************************
سو يا سو مبارك حبسووه
مبارك عايز محامى
ومنين اجيبله محامى
الكل قال قدامى
دا حرامى امسكووه
سو يا سو مبارك حبسوه
وجمال وعلاء وياه وف طره راحو وراه.. وسوزان بتقول الآه
اخص عليكو واتفوه
سو ياسو مبارك حبسوه
مبارك نفسه ف بدله ومنين اجيبله بدله دا ماعدتش حاجه فاضله
وحق الشعب هنرجعـــــووه
أمثال ثورية: اللي أوله شرم أخره طره، الشعب اللي يجيلك منه الريح اتنحي عنه واستريح، يامورث في غير مُلكك على طره انت وعيلتك
دار هذا الحوار فى سجن طره :
جمال ايه السرير المعفن ده انا مش هينفع انام هنا
عز اطبلك طيب علشان تنام اتخمد وانت ساكت
علاء مكنتش عملت فيها ميت زى بابا ونمت فالمستشفى احسن
.........عزمى عليك وع ابوك دى اخرت المشى وراكم
صفوت ..خلاص احنا ننام ع الارض احسن
..........
.
.
سرور..موافقــــــــه
جمال ايه السرير المعفن ده انا مش هينفع انام هنا
عز اطبلك طيب علشان تنام اتخمد وانت ساكت
علاء مكنتش عملت فيها ميت زى بابا ونمت فالمستشفى احسن
.........عزمى عليك وع ابوك دى اخرت المشى وراكم
صفوت ..خلاص احنا ننام ع الارض احسن
..........
.
.
سرور..موافقــــــــه
- في طره لاند ومن عالباب...
- العادلي يقابلك بالترحاب...
- وجوه تلاقي جرانة معاك...
- وعز برضه بيستناك
- وجيمي حبوب وكله ألاطة ..
- ............خلى بلدنا على البلاطة...
- .......عادلى.....
- تعالى بينا يلا ... احنا وشله
- نقتل و نسرق فلوس كتير..
- -------------------
- طره لاند بيت مبارك الكبير...
- تعالى وزوره هناك كتير
- طره لاند: ليه تسرق مره لما ممكن تسرق مليووووووووووون مرة
- *******************************************
- جمال مبارك في حالة هيسترية، يمسك بالكلابشات ويلوح بها ويصيح: شقا عمري .. شقا عمري ضاع .. شقا عمري .. لأ ا ا ا اه
- زكريا عزمي: مش عيب ابن الرئيس مبارك مايعرفش أصول التخزين
- فتحي سرور: التخزين كان من اختصاص الشاذلي وأمن الدولة
- زكريا عزمي: في حد في الدنيا يحط شعب في صفيحة ويسيبه تلاتين سنة في مية مالحة
- جمال مبارك: والعمل يازكريا؟
- زكريا: يعوض عليك ربنا
- و الملاحة الملاااحة
- **************************************
- عاجل : نزلاء بورتو طرة يطالبون المجلس العسكري برفع سور .. علشان نظيف مايشوفش البحر من جوه
- *****************************************
- حسنى عمل عيان و مرتضي أغمن عليه عشان ميروحوش السجن
- بعد اقتراب صدور قرار حبسها ، سوزان مبارك : أنا حامل هههههههه
- **************************************************
- كــل الـدول عـندهـم رئيـس سـابق ,,, واحنـا عندنـا رئيـس سـوابـق :d
- ليه بكار جدير بتولي منصب رئاسة الجمهوريه ؟
- 1 - من قلبه و روحه مصري : يعني هيحب مصر ويخاف عليها
- 2 - النيل جواه بيسري : و كدة هتتحل مشكلة مياه النيل لأن النيل جواه و محدش هيقدر
- ياخده
- 3 - كفه رقيق و صغير : و ده هيتعكس على الظباط في الاقسام و ايديهم هتبقى حنينة على قفانا
- 4- معزته رشيدة : شوفوا بيحب المعزة ازاى و بيخاف عليها هى صحيح بتضيع منه كل حلقة بس مخلص لها , تخيلوا بقى هيخاف على البلد اد ايه
- 5 - اصحابه كتير كتير اده و ادهم : يعني هيعرف يسيطر عليهم و يفهمهم و لو كان فيه فساد تامر أمين مش هيقدر يقول ان الناس اللي حواليه ضحكوا عليه
- 6 - محمد منير غنى له : و طبعا محمد منير عنده خبرة في الأغاني الوطنية و السياسية مش زى مثلا حمادة هلال
- ****************************************
- مره واحد بيسأل مبارك عندك فلوس اد ايه فى البنك قاله معنديش و هو عنده
- ******************************************
- قررت اتصالات وفودافون وموبنيل ان لو الاخوان مسكوا الحكم
- تتغير الرسائل إلى
- ................
- كلمني جزاك الله خيرا
- اشحنلي بالله عليك
- الهاتف الذي تحاول الاتصال به مغلق والله أعلم
- *********************************************
- قائمة اسعار كانتين سجن طرة :
- بيبسى, كولا , فانتا ........ 4 مليون
- علبة سجائر كليوباترا ...... 2 مليون
- علبة سجائر سوبر .... 3 مليون
- كوب شاي ........... 1,5 مليون
- علبة تونا .......... مليار و نصف
- علبة بلوبيف ......... 3 مليار
- لا نقبل الشكك او الفيزا،
- و شكرا
- *************************************
- جيمي يغني ف السجن ويقول
- ...احلف بسماها وبترابها...ما حد حبسني الا شبابها
- ثم رد حسحس وقال
- . في كل شارع في بلادي الشعب بيشتم فيا و في ولادي
- *****************************************
- نظيف يطرح علي مبارك
- مشروع الزنزانه الذكيه
- عاجل
- : مظاهرات و اعتصامات داخل سجن طرة للمطالبة برحيل مبارك
- و المساجين يهتفون: غوروا غوروا انت و هو ، ، ، انتوا ورانا بره و جو
- *****************************************
- حبيبي يااا فتحي ... يا حر زي الطيــــر
- تعالى لعمو حسني ... في السجن جنبه سرير
- ...السجن ده سجننا
- و الحبس من حقنـــا
- ايـــه اللي يمنع فتحي انه يعيش وسطنا
- __________________________
- مع الاعتذار لمدحت صالح
- **********************************
- بورتو طره .....زنزانه عالميه على ارض مصريه
- ******************************************
- عاجل | مبارك : الأخوة والأخوات.. أبناء شعب مصر.. أنا اتحبست
- ***********************************************
- ردا على خطاب الرءيس المخلوع
- بدل ياريس متتعب نفسك وتسجلنا صوت أنا بقول نجيلك شرم الجمعة الجاية وندردش مع بعض على البيسين
- متخليش سوزى تطبخ أحنا هنجيب كنتاكي معانا
- **********************************************
- فريق سجن طره
- في حراسة المرمي : أحمد نظيف
- في خط الدفاع كلاً من: حبيب العادلي – زهير جرانه – أحمد المغربي – أنس الفقي
- في خط الوسط كلاً من: أحمد عز – زكريا عزمي – محمد إبراهيم سليمان
- في خط الهجوم: علي شكل مثلث مقلوب قاعدته صفوت الشريف وفي إنتظار رأسي الحربة جمال مبارك – وفتحي سرور.
- ...المدير الفني : محمد حسني مبارك
- **************************************
- عااااااااااجل : أنباء عن إستيلاء زكريا عزمي على خمس زنازين فى بورتو طرة على مساحه 90 متر في العنبر الخامس بتسهيلات من المغربى وفى حماية العادلى
- ****************************************
- نبأ عاجل..سوزان مبارك تشترى حصه فى
- الرشيدى الميزان للبدء فى تجهيزات ساندوتشات حلاوه للاولاد
- ************************************************** *****
- أول اغاني ألتراس طره..
- من طره شماااال
- نهبنا المااااال
- وريسنا اسمه أبو جماااال
- .........================
- حزبنا حقير
- شعبنا كبير
- مصينا دمه و برضه قليل
- ..اووووووووه ... اووووووووه
- ***************************************
- الهكسوس انطرد .. فرعون غرق .. كليوباترا انتحرت .. قطز اتقتل .. بيبرس اتقتل .. المماليك اتدبحوا .. العثمانين قتلو بعض .. محمد علي خرف .. عباس حلمي الأول اتقتل في بنها .. الخديوي اسماعيل اتنفى واتحبس .. الخديوي عباس حلمي الثاني بريطانيا خلعته .. فاروق اتنفى .. جمال اتسمم .. السادات اتقتل .. مبارك اتحبس .. حد ليه شوق في مصر ؟؟!
- ***********************************************
- أعلن مبارك في رسالة صوتية ثانية
- عن ترشحه لبطولة مسلسل
- .. prison break season 5
- *****************************************
- من مصدر مقرب داخل طرة...مجاميع من المساجين يلتفون حول كل وزير و يغنوون
- .
واحد لقى مصباح علاء الدين فركه طلع العفريت وقال :
معاك ساعة
رد الانسي :
نعم .
قال العفريت :
هاتها ( اعطي اياها ) . ومعاك محفظه
رد الانسي :
نعم .
قال العفريت :
هاتها . معاك محمول ( جوال ) .
رد الانسي :
نعم .
قال العفريت :
هاتو .
ودخل بعدها للمصباح ولم يخرج . الانسي احس انه انضحك علية او ( اتنصب عليه ) .
ففرك المصباح مره تانيه .
خرج الجني وقال : عاوز ايه .
رد الانسي : المفروض تحققلي 3 امنيات موش تاخد مني حاجتي وتقلبني .
ضحك العفريت وقال :
ده ياروح امك كان زمان ايام مصباح علاء الدين . ولكن ده مصباح علاء مبارك
مر مواطن فى أحد شوارع مصر الجديدة فوجد عددا كبيرا جدا من قوات الأمن يقفون
امام بلاعة مجارى
فتعجب وذهب ليسألهم فلم يرد عليه أحد.. فحاول فتح البلاعة فنهره أحدهم وقال له ابعد يابنى آدم.. فسأله المواطن: هو فيه إيه.. فقال له: الصرف الصحى بتاع قصر الرئاسة معدى
ليست هناك تعليقات:
إرسال تعليق